ଚଣ୍ଡିଖୋଲ : ଦୀର୍ଘଦିନ ଧରି ଚାଲିଥିବା ବେଆଇନ କଇଁଛ କାରବାର ରାକେଟକୁ କାବୁ କରିଛି ପୋଲିସ । ଛତିଆ ଫାଣ୍ଡି ଅଧିକାରୀ ଗୋବର୍ଦ୍ଧନ ନାୟକ ସଦଳବଳେ ଚଢଉ କରି କଇଁଛମାନଙ୍କୁ ଉଦ୍ଧାର କରିଛନ୍ତି । ସୂଚନା ଅନୁସାରେ ଯାଜପୁର ଜିଲ୍ଲା ବୈରୀ ଥାନା ଅନ୍ତର୍ଗତ ସୋଲର ପଞ୍ଚାୟତର ମୁଳିଝର ମୁଣ୍ଡା ସାହିରେ କଇଁଛ ଚୋରା କାରବାର ଚାଲିଥିଲା । ସୁକଦେବ ମଣ୍ଡଳ ନାମକ ଜନୈକ ବ୍ୟକ୍ତିଙ୍କ ଘରେ ଡିଲ୍ ବେଳେ ପୋଲିସ ଚଢଉ କରିଥିଲା । ସେଠାରୁ ୫୦ କେଜିରୁ ଉର୍ଦ୍ଧ୍ୱ ମଧୁର ଜଳ କଇଁଛକୁ ଉଦ୍ଧାର କରାଯାଇଥିଲା । ଘଟଣାରେ ସଂପୃକ୍ତି ଥିବା ଅଭିଯୋଗରେ ପୋଲିସ କୋଲକାତାର ଅଜୟ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛି । ତେବେ ଅନ୍ୟ ଜଣେ ଖସି ଯାଇଥିଲା । ଖବର ପାଇ ଯୋଡ଼ା ବନାଞ୍ଚଳ ଅଧିକାରୀ ସରୋଜ କୁମାର ମଲ୍ଲିକ ସଦଳବଳେ ଛତିଆ ଫାଣ୍ଡିରେ ପହଞ୍ଚି କଇଁଛ ଗୁଡିକୁ ଆଣିଛନ୍ତି ।
