ଶବକୁ ମିଳିଲା ନାହିଁ ସମ୍ନାନ, ଟଙ୍କା ପାଇଁ ମୃତଦେହକୁ ରାସ୍ତା କଡ଼ରେ ଛାଡିଦେଇ ଆସିଲା ଆମ୍ବୁଲାନ୍ସ

ଛବି ମିଶ୍ରଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ପ୍ରଥମେ ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ କଟକ ମେଡିକାଲକୁ ଚିକିତ୍ସା ପାଇଁ ନେଇଥିଲେ । ମାତ୍ର ସେଠାରେ ଚିକିତ୍ସା ଧୀନ ଅବସ୍ଥାରେ ଛବିଙ୍କ ମୃତ୍ୟୁ ହୋଇଥିଲା । ଏକ ଆମ୍ବୁଲାନ୍ସ ଯୋଗେ ମୃତଦେହକୁ ତାଙ୍କ ସ୍ୱାମୀ ଓ ଶ୍ୱଶୁର ଛତିଆକୁ ଆଣୁଥିଲେ । ସେହି ସମୟରେ ଆମ୍ବୁଲାନ୍ସ ଚାଳକ ଭଡ଼ା ବାବଦକୁ ପାଞ୍ଚ ହଜାର ଟଙ୍କାଦାବି କରିଥିଲେ ।

ମୃତ ମହିଳାଙ୍କ ସ୍ଵାମୀ ତିନି ହଜାର ଟଙ୍କା ଦେଇଥିଲେ । ଏଥିରେ ଉତକ୍ଷିପ୍ତ ହୋଇ ଆମ୍ବୁଲାନ୍ସ ଚାଳକ ଜାତୀୟ ରାଜପଥ କଡ଼ରେ ମୃତଦେହକୁ ଛାଡ଼ି ଚାଲିଯାଇଥିଲେ । ରାତିସାରା ମୃତଦେହ ଜାତୀୟ ରାଜପଥ କଡ଼ରେ ପଡି ରହିଥିଲା । ସ୍ଥାନୀୟ  ଲୋକେ ରାସ୍ତା କଡ଼ରେ ମୃତଦେହ ପଡି ଥିବା ଦେଖି ଛତିଆ ବିଟ ହାଉସ ଅଧିକାରୀଙ୍କୁ ଜଣାଇଥିଲେ ।

ଘଟଣାସ୍ଥଳରେ ପୋଲିସ ପହଁଚି ସ୍ୱାମୀ ହେମନ୍ତକୁ ଅଧିକ ପଚରାଉଚରା କରିବା ପରେ ଘଟଣା ବିଷୟରେ ଜାଣିବାକୁ ପାଇଥିଲେ । ଏଭଳି ଅମାନବିକତା ପାଇଁ ଆମ୍ବୁଲାନ୍ସ ହ୍ରାଇଭରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସ୍ଥାନୀୟ ବାସିନ୍ଦା ।