ଢେଙ୍କାନାଳ : ପୋଖରୀ ଖୋଳାକୁ ନେଇ ଗୁଳିମାଡ଼ । ଏଭଳି ଘଟଣା ଘଟିଥିବା ଦେଖିବାକୁ ମିଳିଛି ଢେଙ୍କାନାଳ ସଦର ଥାନା ଅନ୍ତର୍ଗତ କନ୍ଧପାଳ ଗ୍ରାମରେ । ଏହି ଗୁଳିକାଣ୍ଡରେ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ଗୁଳିକାଣ୍ଡରେ ଗ୍ରାମର ଦଳେଇ ନାଏକଙ୍କ ମୃତ୍ୟୁ ହୋଇଛି ।
ଖବର ଅନୁଯାୟୀ, କନ୍ଧପାଳ ଗାଁର ଦୁଇ ପରିବାର ମଧ୍ୟରେ ବିବାଦ ଲାଗିରହିଥିଲା । ଏପିରିକି କିଛି ଦିନ ହେଲା ପରିସ୍ଥିତି ଉତ୍ତେଜନାପୂର୍ଣ୍ଣ ରହିଥିଲା । ଯାହାର ପରିଣତି ଏବେ ଭୟଙ୍କର ହୋଇଛି । ପାଖାପାଖି ସାତ ରାଉଣ୍ଡ ଗୁଳି କରି ଦୁର୍ବୃତ୍ତମାନେ ଫେରାର ହୋଇଯାଇଛନ୍ତି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ତେବେ ଏହି ଗୁଳିକାଣ୍ଡ କିଏ କରିଛି ତାହା ଜଣାପଡିନାହିଁ ।