ମୁନିଗୁଡା : ପୋଲିସକୁ ଭୁଆଁ ବୁଲାଇବାକୁ ଏବେ ଦାମୀ କାରରେ ଚାଲାଣ ହେଉଛି ଗଞ୍ଜେଇ । ଏଭଳି ଦୁଇଟି କାରକୁ ଜବତ କରିବା ସହ ଦୁଇ ବେପାରୀଙ୍କୁ ଗିରଫ କରିବାରେ ସଫଳ ହୋଇଛି ମୁନିଗୁଡା ପୋଲିସ । ସୂଚନାନୁସାରେ, ରାୟଗଡା ଜିଲ୍ଲା ପଦ୍ମପୁର ଥାନା ଅନ୍ତର୍ଗତ କେନ୍ଦୁଗୁଡାରୁ ବିହାରକୁ ଗଞ୍ଜେଇ ଚୋରା ଚାଲାଣ ହେଉଥିଲା । ତେବେ ବିଶେଷ ସୂତ୍ରରୁ ଖବର ପାଇ ମୁନିଗୁଡା ରେଳବାଇ ଫାଟକ ନିକଟରେ ପୋଲିସ ଗୋଟିଏ ଟାଟା ସଫାରି ଓ ଟୋୟଟା କାରରୁ ଅଟକ ରଖିଥିଲା । ଏଥିରୁ ୨ କ୍ବିଣ୍ଟାଲ ୭୧ କେଜି ଗଞ୍ଜେଇକୁ ଜବତ କରିବା ସହ ୨ ଚାଲାଣକାରୀଙ୍କୁ ଗିରଫ କରାଯାଇଛି । ଜବତ ଗଞ୍ଜେଇର ମୂଲ୍ୟ ୨୭ ଲକ୍ଷ ଟଙ୍କାରୁ ଉର୍ଦ୍ଧ୍ୱ ହୋଇଥିବା ବେଳେ ପୋଲିସ ଅଧିକ ତଦନ୍ତ ଜାରି ରଖିଛି । ଗିରଫ ଦୁଇ ଗଞେଇ ମାଫିଆ ହେଉଛନ୍ତି ବିହାର ଅଞ୍ଚଳର ଅଖିକୁମାର ତିଆରୀ ଓ ରାହୁଲ କୁମାର ।
